Да Дня роднай мовы ў 4 класе быў праведзены турнір знаўцаў роднай мовы “Святло роднага слова”.
У час мерапрыемства кожны навучэнец мог праверыць свае веды па беларускай мове. Дзеці з захапленнем выконвалі розныя заданні: складалі прыказкі, адгадвалі крыжаванку, рэбусы, адказвалі на пытанні віктарыны, гулялі ў перакладчыкаў, шыфравальшчыкаў.
Падчас мерапрыемства навучэнцы пазнаёміліся з гісторыі ўзнікнення Міжнароднага дня роднай мовы.
На працягу ўсяго мерапрыемства гучалі вершы беларусіх паэтаў аб мове. Навучэнцы з задавальненнем прынялі ўдзел у стварэнні інтэрактыўнага воблака слоў “Маё любімае слова па-беларуску”. Яны пісалі на стыкерах у форме сэрца свае любімыя словы на беларускай мове.
Мерапрыемства пакінула ва ўсіх часцінку дабрыні, любові да роднай мовы. Яно ўспрымаўся навучэнцамі як своеасаблівае свята, свята іх ведаў, здольнасцей, выдумкі, знаходлівасці, свята роднай мовы, якое дазволіла ўсім удзельнікам перажыць моцныя пачуцці, атрымаць задавальненне і яшчэ раз пераканацца, што родная мова – бясцэнны скарб, якім мы павінны ганарыцца і шанаваць.